Eyverjar

Eyverjar, félag ungra sjálfstæðismanna í Vestmannaeyjum, harma að 33 alþingismenn hafi í gær ákveðið að draga Geir H. Haarde fyrir landsdóm vegna meintra brota gegn ráðherraábyrgð. Geir er gefið að sök að hafa sýnt af sér glæpsamlega vanrækslu fyrir að hafa ekki gripið til einhverra óskilgreindra aðgerða sem koma hefðu átt í veg fyrir hrun íslenska bankakerfisins, án þess að nokkur maður hafi getað bent á nákvæmlega hvað það var sem hann á að hafa vanrækt að gera. Það töldu 33 þingmenn næga ástæðu til þess að draga forsætisráðherrann fyrrverandi fyrir dóm.

Málsmeðferðin í þessu máli hefur öll verið á skjön við reglur um réttláta málsmeðferð sem eru grundvallarreglur í réttarríki og eru m.a. tryggðar með ákvæðum í stjórnarskránni, svo ekki sé minnst á Mannréttindasáttmála Evrópu sem við erum aðilar að, skyldi einhver efast um það. Geir, ekki frekar en hinir þrír fyrrverandi ráðherrar sem tillaga var um að ákæra, fékk aldrei réttarstöðu grunaðs manns áður en til ákæru kom auk þess sem engin rannsókn hefur farið fram á meintum brotum. Þannig er búið að ákveða hvað skal ákæra fyrir, áður en málið er rannsakað og án tillits til þess hvað rannsóknin mun leiða í ljós. Réttindi sem talin eru sjálfsögð og mikilvæg eru þarna fyrir borð borin. Ennfremur sem þessir 33 þingmenn brjóta gegn þeirri rótgrónu réttarfarsreglu að ekki skuli gefa út ákæru nema menn telji meiri líkur á sakfellingu en sýknu.

Sá pólitíski hráskinnaleikur sem átti sér stað á Alþingi í gær er öllum ljós sem sjá vilja. Þingmenn Samfylkingarinnar tóku sér sumir hverjir það vald að gera ákærur á hendur einstaklingum, ýmist pólitískum samherjum eða andstæðingum, að pólitísku tafli. Það tafl kristallast í þeim mun sem var á atkvæðagreiðslunum um ákærur á hendur Árna M. Mathiesen, fyrrverandi fjármálaráðherra, og Björgvin G. Sigurðssyni, fyrrverandi viðskiptaráðherra. Tillagan um að ákæra Árna, sem bar ábyrgð á fjármálum ríkissjóðs, var felld með aðeins eins atkvæðis mun á meðan tillagan um að ákæra Björgvin, sem bar ábyrgð á bönkunum þegar bankakerfið íslenska hrundi, var felld með átta atkvæða mun auk þess sem einn þingmanna Samfylkingarinnar sat hjá.

Eyverjar, félag ungra Sjálfstæðismanna í Vestmannaeyja, vona að Landsdómur standi undir því að vera sá óháði og óhlutdrægi dómstóll sem réttarríkið býður og muni vísa málinu gegn Geir frá, enda ákæruatriðin óljós, málsmeðferðin gölluð og greinilegt að um hreina pólitíska aðför er að ræða.

Þó Eyverjar telji líklegt að Landsdómur vísi málinu frá þegar hann kemur saman og í það minnsta fullvíst að ef því verði ekki vísað frá verði Geir sýknaður, þá telja þeir litla huggun í því fyrir hann. Að ákæra mann fyrir refsivert athæfi er aldrei léttvægt mál, þó einhverjir tækifærissinnaðir menn telji sig með því geta slegið pólitískar keilur.
Stjórn Eyverja

29. Sept. 2010 kl.13:37

 

Ályktun frá stjórn Sambands ungra sjálfstæðismanna

Pólitísk óvissa er gríðarleg í einni mikilvægustu atvinnugrein þjóðarinnar um þessar mundir. Ástæðan er sú að sumir stjórnmálaflokkar, sem vilja láta taka sig alvarlega, hafa haft það á stefnuskrá sinni að svipta útvegsmenn aflaheimildum og flytja eignarhald á honum til ríkisins með svokallaðri fyrningarleið. Þannig myndi ríkið stofna til bótaskyldu sem gæti numið hundruðum milljarða króna. Þjóðin þyrfti því að gjalda það dýru verði ef fyrningarleið væri farin.
 

Rökin fyrir fyrningarleiðinni eru þau að útvegsmenn hafi fengið aflaheimildir gefins og að slíkt hafi falið í sér mikið óréttlæti enda eigi þjóðin að vera eigandi auðlindarinnar. Slík svipting er sögð standast eignarréttarákvæði stjórnarskrárinnar, einkum ef það gerist á löngum tíma.

12. Mar. 2010 kl.10:33
Meira

Skattgreiðendur hafni Icesave ánauð ríkisstjórnarinnar
Samband ungra sjálfstæðismanna (SUS) ítrekar andstöðu sína við það að íslenskir skattgreiðendur verði látnir greiða fyrir Icesave reikninga Landsbankans í Bretland og Hollandi. Ljóst er að hvorki íslenskur almenningur né stjórnvöld stofnuðu til innlánsreikninga í Bretlandi og Hollandi – heldur var um einkarekinn banka að ræða. Þá ítreka ungir sjálfstæðismenn að Tryggingasjóður innstæðueigenda er sjálfstæður og að það er ekki á ábyrgð skattgreiðenda að greiða skuldir hans.

04. Mar. 2010 kl.20:00
Meira

 Eyverjar, félag ungra sjálfstæðismanna í Vestmannaeyjum, ætla sér nú  sem fyrr að standa vörð um athafnafrelsi einstaklingsins í samstarfi við önnur aðildarfélög á landinu. Fólk á sig sjálft, hefur eigin hvata og skoðanir og er ekki til fyrir sveitarfélög eða ríkið.  Í þeim aðstæðum sem nú ríkja í samfélaginu er nauðsynlegt að reyna eftir fremsta megni að efla velferð einstaklinga, stilla skattheimtu í hóf og efla atvinnustarfsemi. Forsenda þess að Ísland vinni sig út úr þeim alþjóðavanda sem nú að stafar, er að gætt sé að þessum atriðum sem nefnd eru hér að framan. Eyverjar telja að ríkisstjórn Íslands, undir forystu Steingríms Jóhanns Sigfússonar og Jóhönnu Sigurðardóttur, hafi síðastliðna mánuði ekki lagt áherslu á þessi atriði og eru afleiðingarnar gríðarlega alvarlegar. Hundruð, ef ekki þúsundir fjölskyldna eru að sligast undan þungri greiðslubyrgði og síhækkandi skattheimtu stjórnvalda. Það ætti að vera verkefni hverrar ríkisstjórnar að finna til úrræði fyrir þennan hóp, en ekki leggja æþyngri lóð á herðar þeirra sem eiga hvað erfiðast með að bera þau. Það sem við vitum er að ef ekkert er gert í stöðunni, líkt og undanfarna mánuði mun ungt fólk, ungt menntað fólk flytjast búferlum erlendis og mun það kosta samfélagið mikla fjármuni, svo ekki sé talað um mannauðinn sem þar tapast úr landi. Hlutirnir leysast ekki með því að tala um þá, aðgerða er þörf. 

 

01. Feb. 2010 kl.14:29
Meira

Um leið og það er viðurkennt að allir landsmenn þurfi að taka á sig auknar byrðar nú er því mótmælt að vegið sé að landbyggðinni umfram höfuðborgarsvæðið með þeim tillögum að niðurskurði sem kynntar hafa verið. Þensla síðustu ára var á höfuðborgarsvæðinu þar sem ríkisrekstur blés út langt umfram það sem eðlilegt verður að teljast. Á sama tíma var hinsvegar skorið niður á landsbyggðinni.

08. Okt. 2009 kl.10:02
Meira

Eyverjar F.U.S. vilja vara bæjastjórn Vestmannaeyjabæjar við fyrirhuguðum áformum sínum um að leggja til 100 milljóna króna fjárveitingu til Sparisjóðs Vestmannaeyja.

Sparisjóðurinn sem er fjármálastofnun hefur tapað gríðarlegum fjármunum uppá síðkastið.

Í ársreikningi sjóðsins fyrir árið 2007 kemur fram að eiginfjár staða hafi verið 1.848 milljónir króna. Þá höfðu stofnfjárbréf gengið kaupum og sölum milli aðila á upphæðum á bilinu 20-40 milljónir hvert bréf.

Þann 21. mars síðastliðin hafði Sparisjóðurinn hinsvegar óskað eftir fjárframlagi úr ríkissjóði ásamt sex öðrum illa stöddum sparisjóðum í landinu.

22. May. 2009 kl.13:15
Meira

 

Félög ungra Sjálfstæðimanna í Suðurkjördæmi lýsa yfir megnri óánægju með stjórnarsáttmála nýrrar ríkisstjórnar.

 

Stjórnarsáttmáli hinnar nýju vinstristjórnar er ekki til þess fallinn að leysa úr þeim vandræðum sem íslenskt atvinnulíf á við að etja um þessar mundir, heldur þvert á móti eykur hann á óvissuna með óljósu orðalagi og skýlausum hótunum um að keyra einn af undirstöðuatvinnuvegum þjóðarinnar í þrot.

 

Sáttmálinn lýsir ekki einustu áætlunum vinstristjórnarinnar um þjóðnýtingu sjávarútvegsins heldur er ýmsum áður fyrirhuguðum aðgerðum til atvinnuuppbyggingar, svo sem ákvörðunum um virkjunarmöguleika í neðri hluta Þjórsár, slegið á frest auk þess sem ekki er einu orði er minnst á atvinnuuppbyggingu í Helguvík. Á tímum sem þessum, þar sem mikil óvissa ríkir vegna samdráttar, gjaldeyrishafta og hárra vaxta er ósættanlegt að stjórnmálamenn bæti pólitískri óvissu ofan á þungar byrgðar atvinnuvega landsins með óábyrgu tali.

 

 

14. May. 2009 kl.18:10
Meira

12. Mar. 2009 kl.12:20
Meira

 Sú kynslóð sjálfstæðismanna sem stýrt hefur landinu um 18 ára skeið stóð sig gríðarlega vel og náði Íslandi upp úr vítahring sífelldra efnahagslægða og kom því í hóp auðugustu ríkja heims. Sá árangur náðist með auknu frjálsræði einstaklingsins svo hann gat notið krafta sinna og hæfileika til hins ítrasta, sem gaf íslensku þjóðinni byr undir báða vængi og aukið sjálfstraust til að sækja fram. Þessi stefnubreyting markaði upphafið að langvarandi góðæristímum og meiri hagsæld en nokkru sinni í sögu lýðveldisins.

12. Mar. 2009 kl.12:16
Meira